ToP4/تـ-ـوٍب فـ-ـوٍٍرٍٍ

ToP4/تـ-ـوٍب فـ-ـوٍٍرٍٍ

آهــ'ـلآ بـ'ـيـ'ـكـ'ـم فـ'ـى مـ'ـنـ'ـتـ'ـديـ'ـآت تـ-ـوٍب فـ-ـوٍٍرٍٍ
 
الرئيسيةتوب فورمكتبة الصورس .و .جبحـثالأعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
عدد الزوار
Website Visitor Tracking
المواضيع الأخيرة
» جميع افلام احمد حلمي للموبايل بصيغة 3gp
الثلاثاء أكتوبر 02, 2012 7:05 pm من طرف kapo 2013

» حصريا كراك لعبة Batman Arkham Asylum مجرب وشغال100% ( 1 2 3 4 5 ... الصفحة الأخيرة
الأربعاء أبريل 11, 2012 9:34 am من طرف x_pop

» جنات مع الاعلامي محمد راضي في fm من تيكو إهـداء الى روح قلبى كرسبو
الإثنين نوفمبر 01, 2010 1:46 pm من طرف حبيت حبك

» Thumbs up مكتبة لجميع المصاحف الموجودة بالقسم الاسلامى - متجدد باستمرار
الثلاثاء يونيو 22, 2010 8:22 am من طرف حبيت حبك

» يارييييييييييييت تعمل قسم ديكورات
الجمعة مارس 26, 2010 6:59 am من طرف esraa.love

» لترشيح نفسك فى المنتدى
الإثنين فبراير 15, 2010 5:55 am من طرف حبيت حبك

» لو عندك عيد ميلاد تعالى هنا - البوم اعياد الميلاد
الأحد فبراير 14, 2010 1:53 pm من طرف esraa.love

» وائل كفوري (حاله حب بمناسبه عيد الحب)
الأحد فبراير 14, 2010 5:18 am من طرف maged

» اغنيه (شربت حجرين علي الشيشه)
الأحد فبراير 14, 2010 5:13 am من طرف maged

» الفيلم العربي (ابراهيم الابيض)
الأحد فبراير 14, 2010 5:08 am من طرف maged

» حصريا افضل مجموعة العاب لموبيلات الجيل الثانى أكثر من 25 لعبه بأحدث الاصدارات بالصور
الأربعاء فبراير 10, 2010 2:49 am من طرف esraa.love

» حصريا على توب فور لعبةNeed for Speed 7 in 1
الأربعاء فبراير 10, 2010 2:47 am من طرف esraa.love

» حصريا افضل العاب رياضية لموبيلات nokia لعام 2008 و 2009
الأربعاء فبراير 10, 2010 2:33 am من طرف esraa.love

» بإذن الله : حصريا..قبل أى منتدى..Pes 2010 لجميع أنواع Nokia مع الصور
الأربعاء فبراير 10, 2010 2:32 am من طرف esraa.love

» ألـعـاب للـعــدة N82
الأربعاء فبراير 10, 2010 2:30 am من طرف esraa.love

» العاب الموبايلات الصينى كاملة وعلى اكتر من سيرفر
الأربعاء فبراير 10, 2010 2:21 am من طرف esraa.love

» العاب الموبايلات الصينى كاملة وعلى اكتر من سيرفر
الأربعاء فبراير 10, 2010 2:21 am من طرف esraa.love

» حصريا على تـ4ـوبـ4 وبس::اكبر مجموعه من العاب 2010 للجيل الخامس اكتر من 100 لعبه متنوعه وعلى سيرفرات صاروخيه
الأربعاء فبراير 10, 2010 2:19 am من طرف esraa.love

» اقواى وأشد العاب الكمبيوتر الان على الموبيل لجميع الانواع
الأربعاء فبراير 10, 2010 2:15 am من طرف esraa.love

» لحظات يأس
الإثنين فبراير 08, 2010 6:51 am من طرف esraa.love

أفضل 10 أعضاء في هذا المنتدى
esraa.love
 
mood
 
nonosh
 
حبيت حبك
 
dody
 
medo.mazika
 
اميرالحب
 
asmaa_soka
 
مودى
 
كاريوكى
 
راديو محطة مصر
ايميل الموقع
 
ايميل الموقع :
mr.diko0@yahoo.com
 

شاطر | 
 

 ۩۩ ۩۩ ... ديــــــوان العـرافـة ... ۩۩ ۩۩

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرالحب

avatar

عدد مساهماتى فى هذا المنتدى : 32
تاريخ تسجيلى فى هذا المنتدى : 01/12/2009

مُساهمةموضوع: ۩۩ ۩۩ ... ديــــــوان العـرافـة ... ۩۩ ۩۩   الخميس ديسمبر 10, 2009 3:31 pm




ديـــــوان .... العــرافـة ....
بقلــم :: حــدوته مصـرية ...

عــرافــة

بَلَوِّن حلمي على الرمله
و اسافر جوه موج البحر
رغم التوهه و الضلمه
بتلمح لمعة الاحلام علي النني . . اللي مستني
شروق الشمس لما يبان
و ببني م الرمال أحلام
هنا بيتنا . .و سكتنا
و فرْح مكحل الرمشين
و لا يفوتنا
و بكتب إسمي ع الرمله
و بَرسم إيد محنيه
و شوق دافي و حنيَّه
و بَجْمَع من براح الحلم أغنيه
و ادندنها و اغنيها
و اعيش فيها . .و اعيش بيها
و يجي الموج علي غفله
يهد البيت و بالعافيه
و بِيْشَوِّه ملامح حرف من اسمي
و انا – بضحك- و اشوف رسمي
بيتبخر . . في لحظة مَد قدامي
مع لون الغروب . . دامي
و أقوله بكره هاستنَى
شروق الشمس من تاني
و هابني البيت
و هانحت سكتي بقوة . . على الرملة
برغم التوهه و الضلمة
هاتفضل شمسنا تشرق
علي بكرة . . تجيب بكره
و تشرق برضه ع الرملة
أبين زين . . و بقرا الكف
و أجمع حرف جنب الحرف
و اقرالِك في فنجانِك
و تظهر كل اسرارِك
علي ضهر الودع مكتوب
و ناديني . . تلاقيني علي بابِك
و باب القلب فاتحلك
بيبان السر و المحجوب
...
و نادتها . . و قالتلي
حبيبتي بكرة هايشوفك
براح الحلم في كفوفك
و نبض الحلم بيفسر خطوط الإيد
ده خط العمر . . وريتهولي بالتحديد
و خط سعادة في عنيكي و ممدودة
و سكة عشق مكتوبة
و باب مفتوح
ورمش مْحَوَّط المحسوب
و بيبخر . .و بيسمي
و يقرا وِرد م القرآن
و بيصلي . .
على الهادي
صباحك صبح مش عادي
و لونه زاهي بالخضرة
و هاتي كفك التاني
و سمي بقلبك الراضي على بكرة
ده ظاهر للسفر سكة
كمان نقطة . . كمان اتنين
و فيه واحده و من سنك
دي غيرانة كمان منك
و حاسبي منها يا بنتي
دي عود مرشوق في نن العين
و شاب حليوة بيخبط على بابك
و بابك فارد الجناحين
و طارد من على عَتَبُه . . غراب الخوف
و فجر نهارك الموصوف
تشوفه العين . .
و موصوفلك . . طويل أسمر
جميل القد و المنظر
و ليه ميت حق يتمنظر
و شايفاه جيّ . . بعد اتنين
كمان ساعتين. .
تقولي يومين . .
و هايروح فين . .
ده مكتوبلك . . و مكتوبلك تشوفه العين
. . . . . . .
صحيت م النوم على بكرة/ و دق الباب
جريت أفتح و رمشي مكَحَلُه قولها /لاقيته جواب
و مكتوب فيه
" فارس سلاحه ضحكه عاليه مجلجلة
عصفور كناريا صوته مغزول بالغنا
ورق الخريف . . تتصوري . .
اخضر و رسمة قلب فوقه تزينه
فارس و حالف يوم هايهديكي الفرح
جي وراسملك ع الجبين توب الفرح
و مزينه بألوان ربيع
حالف ما يجي في يوم يبيع
لكنه بايع أرضه من يوم ما اتولد
و معاه من الأموال جبال
هاتمدي ايدك تبقي ليه أم الولد . .!!؟؟
و الرد مستنيه قوام
لجل ما تزغرد بيبان . . القلب
يبقالك سَند "
رَدِّي . .!! كل حروف كلامي تقوله لأ
ازاي يكون هُوَّا السند
دَ اللي اتسند
على حيطه مسروقه الجدور من ارضها
راح يندفن . . و الروح بصوت مبحوح تئن
و كل خيط موصول بأنفاس الحياه
راح يندبح . .
و الضلع متضفر بآه
عَ اللي فكر انه يوم مركب نجاه
دَ حصان خشب
و مزوقينه بألف لون
و مرَبَّطينه باللجام
و المستحيل خطوة لأمام
تبقا " لأ " بعلّو صوتي هاقولها ليه
و لا تسألوني ازاي و ليه
هاستنى طول العمر فِــــ الشاطر حسن
و هاكونله ست الحسن . . شاهد يا زمن
و المهر أرضي . .و كبريائي . . و عزتي
واجب عليه . .

***

مزاد مفتوح



وكتاب مقفول
حالف ما يودي الصفحة الجاية لبر أمان
و الأمن مالاقي سنين عنوان
و العنوان تايه أبعاده
دا البُعد الساكن على بابه
حالف ما ينام
و يا آهة قلبي المجروحه
في متاهة صوتي و مدبوجه
علي سِن الورقه المسنونه . .
و الدم أهو سال
و خريطة وطني السايل دمه على الأيام
تتفتت حِتَّه بحِتَّه
و خَط بخط . .
السكة لفين؟؟
و بقينا العام الكام بعد الألفين . .!!
و لإمتى و فين هانبيع الأرض
. . . .
بايعين القلب الحاضن جوه عنينا سُكات
" عواد باع أرضه يا ولاد "
هاتبيعوا العرض .؟؟!!
و العرض و معروض في الفاتارين
و ضميركم فين . . بايعينه لمين . . ؟؟!!
بايعينه بكام . . حَبِّة أرقام . .؟؟!!
و مزاد مفتوح
" ألا أونا " . . ضمير البني آدمين . . نقفل على كام .؟؟
" لا دُوَّا " . . تراب الأرض كمان
اشتروا يا اسيادنا عليهم " عرض "
و " تْرِي " . . شاريين و لاّ نقول ايه ؟
بايعينه يا بيه .

***

ريشة جناح



روحي كمنجة من الورق. .
صوتها . . بُكَّـــا
صوتها اتسرق . .
مركب ورق. .
في النوَّه معروف المصير . .
هايشيل شراعه الف ميل . .
يرتاح في جوف البحر . .
ويَّا الغرقانين . .
روحي . . أنا
عصفور ضرير . .
شَّــــــاب النسيم . .
لمَّا التقى مع غنوته . .
و فْـــ سن ريشته و الدوايه و القلم . .
مليون ألم . .
يحدف شِبَاكُه ع العيون السهرانين
و يعلق الرمش الحزين . .
ع المشنقه
عنقود كلامه . . و انفرط قبل الاوان
مفْضِلْش منهم غير كلام . .
مجهول . . و تايهه الترجمة
مفْضِلش منهم غير حروفه الدبلانين . .
ينده بعلو الصوت . . و مين
مين اللي قادر . .
يسمعه
مين اللي راضي . .

يسمعه لكنه قبل ما يتشنق. .
فكر و قال . .
هاهرب قوام . . بكرة الصباح
هاهرب باخر ريشه باقيه م الجناح
لكنه قبل الصبح . . مات
و لسه ريشته معلَّقه فــ طرف الجناح

***

اسكت بقى



الحلم الساكن مات . .
و الصوت مخنوق بسُكات
و العمر المفرود ضعفه
و المكسور بالأنات . .
تايه . . ضعفان . .
مجرور اوعاك تستنى يثور . .
أو تطلع طاقة نور . .
علي دربك أو تلقاك . .
اياك و كمان اياك . .
و ان مره الحلم نداك . .
ما تسلم جفنك ليه. . . . ..

اسكت بقا . .
يا حلم طول عمره بيستنى اللقا . .
و الا يوم هايجي في سِكتك
دا الخوف هايجي يسَكتك
مهو صوتك المجروح . . بيجرح قلبنا
فاسكت بقا . .
اسكت و سيب الكون سُكااات
ده الكون ممات . .
أصل اللي عاش . . زيّ اللي مات
و الخوف ساعات . .
بيكفن الصوت الجهور . .
و يكفنك . .
و الا تلمح الحد اللي بين . . ضلمه و نور
و يزلزلك . .
و يشد جدرك من براح الأمكنه
يمسح حدودك . . يرسمك
الفين كابوس . .
مليون كابوس
عمَّال يدوس . .
جوه شقوق الروح . .يبعتَّر شملها
و الا أي حاجه تلمها . .
أو حتي يوم هاتضمها . .
فاسكت بقا . .
و الا يوم تفكر تاني . . تستنى اللقا . .
عمرك ثواني من دهور الأزمنه . .
و الساعة فيك متفتته . .
متقسِّمه. .
متقسمه . . لحزن و قلق . .
بحر و غرق . .
حتى شموس الفرحه فيك . . متكتِّفه
مصلوبه فوق ضهر الظلام
و القلب نام . . ويَّا الآلام . .
اللي عليه . . متستِّفه
فاسكت بقا
اسكت بقا
اسكت بقا


***

على جبين الوطن



بنجمع خطوط الحلم
نغزلها مراكب نور
تعدينا لبر جسور
و نوصل بيها للمينا
و ع المينا هاتلقانا
قلوب تجمع أسامينا
و هايرفرف و بادينا
علم طاير لفوق عالي
جناح النسر بيلالي
علي ريشه . .
شعاع الشمس يحلالي
و رغم التوهه و الضلمه
و ليل غامق. .
هاجمّع كل أولادي
و هاحكيلهم عن القصه
حكاية ديب و خرفانه
و رغم الحزن و الغصه
هاكملها و لو عانوا
هاكملها . .
ليوم نوصل نهايتها
و ترسمنا . .
علي جبين الوطن غنوه
و ترسم سيف
و فارس يمحي كل الزيف
و شمس شروق. .
و نسمه في عصر
و هاتلالي ياحلوة يا مصر

***

محكمة العسكر



سكة الرايح ما يرجع
يا سواقي يلاّ دوري
أصل أنا الواقف في دوري
لجل ما اعلنكم حضوري
و بحضوري زيّ غايب
ليّا . .لُه في الجرح نايب
ده الشقا فـ كوبايتي دايب
أصل سُكرنا القوالب
سَكَّر الشاربين ضروري
لجل هذا . .!!
محكمة عسكر بلادي
طلعوا روح القانون
ع اللي شارب و اللي عادي
و اللي لسه في كارُه بادي
حادي بادي. .
بادي يحلم حلم غيره
تبقا سرقة . .!!
سيرُه عايب
قطع ايده يبقا واجب
و اللي واجب . .
يسمع الحكم و كيانه بحر فاضي
موجه هادي
هادي صوته
لجل ما يعلنَّا موته
يحضر العسكر يفوتو
اياخدوا باقي الروح معاهم
لجل ما يحاسبوها تاني
دي الجريمه قتل/و الميت دَ جاني
فاكر انه كان هيفلت قال بموته . .!
ناسي ان الحكم صادر
و المحاضر ناقصة اسم . .!!

***

قلبي أنا



قلبي أنا عصفور
عمّال بيتمخّتر
بيحب غصن زتون
طارح . . جميل أخضر
بثماره مالي الكون
و الضلة فين ما يكون
قلبي أنا . . . . . . عصفور
. . . . . . .
قلبي أنا عصفور
و الفجر كان له جناح
نفسه يعدي السور
سارح في أرض براح
قلبي أنا . . . . سواح
. . . . . .
قلبي أنا سواح
هايم في روح إنسان
بيبدر الأحلام
تطرح . .أمل و أمان
قلبي أنا . . فنان
. . . . . .
قلبي انا فنان
و حروفه بتعانده
عمّاله تجري قوام
وما حد بيسانده
لكن وقف حرفين
الأولاني . . كاف " كـ "
و التاني كان النون " ن "
إمتى هاينسى يخاف . .!!
و صوته يملا الكون
قلبي أنا . . مجنون
. . . . . .
قلبي أنا مجنون
و جنانه فاق الحد
بركان صخب و سكون
حصان و فك السرج
قـلـــ ( أنـا ) ــبـي

***

كلاكيت . . عاشر مرة



أيامنا تايهه معديّه
تايه الهدف من غير غيَّّه
في بلاد كان اسمها عربي
هفي علم كان أو حتى في حلم

برواز ومن غير الصورة
عيدان سنابل مكسورة
قلوب حزينة و مهجورة
حروب كتيرة ومن غير سلم

و السِّلْم سَلِّم يا سلامة
و جيوش عِدَّا قاموا قيامة
نايمين و ما علينا ملامة
عيونّا جوه كهوف الحلم

بايعين و بنبيع في قضية
فايدتها إيه الحرية
و في إيدنا عملة مضوّيه
بلادنا إيه . .دي بلادنا " جنيه "

ريال . . دينار و دولار يورو
تسمع كلامهم و تقوله
و تعيد تذيد . . ليلنا بطوله
من غير ما تفهم أو توعى

أمريكا ترسم في خريطة
تشيل جبل . . تعمل حيطه
سكوت و هس بلاش ظيطه
عايزين نشوف . . دي نهاية الفيلم

كلاكيت يا بلدي . .لتاني مرة
و التالتة و الرابعة المُرَّة
قدس. . و عراق . .لبنان سوريا
و كله جيّ عليه الدور

***

شمسنا النعسانة



الشمس بتْفُك ضفيرتها . . ع الخلايق
اللي نايمين . .من . .ولادتهم لموتهم
هو فيهم حد فايق . .؟!!
و الا في المحروسه دايق
أي فرحه و العروسه أم طرحه
شايله ليه الهم بدري
و الوليد الاخضر. . بيجري
و الكبير ضعفان و خايف
و اللي عَمّيان و اللي شايف
و اللي ما يحرك شفايف
و اللي كان م الطينه ودنه
و اللي مسنود و اللي ساند
و اللي من . . ظلمه و ذايد
عـ الخلايق هو ده نافع و لايق . .؟؟!!
و اللي مظلوم و اللي ساكت
و اللي همُه في عينه نابت
و الليـ ما بيشوف في ليلُه
أي نوم
و اللي علي راسه تحوم
الحدادي . . . .و اللي عادي
و اللي مش عادي كمان
و اللي طالع من زمان
يدّن في مالطه . .
و اللي غِربانُه في ليل
حايمه و حاطه . .
و اللي تايه عن محَطّه
و اللي راكب و اللي سايق
و لسه برضه شمسنا
عماله بتفك ضفيرتها ع الخلايق
بس ليه مَعْمِّيَه جداااا ع الحقايق. .؟؟!!

***

إيه العمل



يا وكسة القلب اللي خاف
فــِ سنين عجــــاف
يزرع ما تطلع سنبلة
مكسور حدود المسألة
شاطرين أوي فـ شغل الجَلا
و مفكرينها . . مَرْجَلَّه
شايلين سلاحنا من ورق
خايفين في لحظة يتسرق
واقفين في عز الصهد . . خايفين م الغرق. .!!
رافعين ادينا للسما
تايهه وشوش الأمكنة
و قناع مشوِّه وشّــنا
فاضحة العيون روح الغبــّــا
مجهول و سارح فـِ الخلا
غرقان في بحر الأسئلة
مجهول ما قادرين نعرفه
مجهول وراه نستعطفه
لجل أما ينطق أو يبان
حالف يكون . . أخرس جبان
مدبوح على لسانه الكلام
مكسور نغــــم
الحانه من ناي الألم
رافع عنية لقبة سمـــا
قبلينا قالوا في المثل . .
ترفع عنيك . . تحصد تعب . .!!
ليه العجب . . ؟؟!!
عارفين سبب؟؟
دَ الحل غالي المهر . .و بعيد ع الايدين
و ادينا من مليون سنه
مقطوع جدورها م الكتاف
و القلب خاف . .
عميان ما شاف . .
و ان مره شاف . .!
يحلف بإنه في يوم ما شاف
دَ عماه موَّرث فــِ الجينات
من جد جده . . للولاد
عارفين بإن الحل فـِ إدين الكبير
و كبيرنا رافض جهلنا . .
حالف ما يوم يفتحلنا .
عقله الخطير . .
روحه الأسد. .
مرعوبه من سيرة حسد
قاريين عليه سورة المسد
راقيينه من عين العِـــــدا
و مبخريين الأوردة
لجل أما يرجع فيها دم
ايه العمل . .؟؟؟!!
عايشينه غمّ . .
شاربينه هــــمّ
مستني نن العين أمــــل . .؟؟!!
فاكر في يوم هايشوفه جد . .!!!
يا وكسته . . دي ماشافها حد .


***

عروسة ماريونت



متلوِّنه وشوش الحقيقه
و الممثل بهلوان
رافض يبان
على وشه لون الآهه من خلف البيبان
أو لون عنيه اللي اتملت تعاريج
بألوان الكآبه و الرتابه و الخنوع
أو ذل ساكن في الضلوع
سارق خيطان كل الشموع
زارع فـِ عِزّ نهارنا ليل
ملعون. . جبان
و معلَّقينه بالخيوط
زي العروسه الماريونت
بيحَرَّكوه . .
و يرقّصوه . .
و يضَحَّكُوه . .
و برغم ان الحزن ع المسرح رداؤه
مسروق حياته و كبرياؤه
فنان فـِ موهبته و اداؤه
و السَقْف فوق كل الايدين
موْشوم على جبين الحزين
رغم ضحكه اتْقَسِّمِت . . و اتلوِّنت فوق الوشوش
فَرَحُه البشوش
مولود جبان
مقتول جعان
قافل عيونه و البيبان
لا شافنا . . و احنا ماشفنهوش
دي اضاءة المسرح فشوش
و ستاره سوده و اترمت فوق الوشوش
مكتوب عليها الخــــاتمه

***

خيوط الحلم



خيوط الحلم بتطارد سواد الحزن في مرايتي
و فـِ مرايتي بيوحشني أشوف نفسي
جدايل فرحه بتضلل على حسي
تصَحِّي فـِ رموشي الحياه و تقولها حسي
يفُوق القلب و الرمشين و هايّرسوا
مراكْبي . . . و المراكْبِيَّه
على روحي بحنيَّه
ولَمِتْهُم مصحباني ووحشاني
وينْده قلبي روحي تردلُه " جيَّه "
وما اتاخر
برغم العِشْرَه ويّا التوهه والغيبه
ما تتأخر . .
ولاّ ثانيه
ما صدقنا نقابل فرحه لو صدفه
ودنيتنا كما هيَّ
كما كانت . .
ما تتآمن . .
ولاّ سابت. .
جدور الفرحه يوم حيَّه
ومهما تكون هي الفانيَّه

***

حسبة الأحلام



بنرمي الخطوة ع السِكَّه / بتتكعبل
و حلم اليوم . . نقص حتَّه
و بكره نرمي من تاني
بواقي الخطوه و الأحلام
و ينقص كام . .؟؟!!
و يفضل إيه . .؟؟!!
بواقي رُكَّام . .!!
و نِجْمَعْها. . نلاقيها ما تقبل جمع
نقَسِّمها على روحنا / تزيد الهَم
بنطرح منها كام خطوة
محوّطها السواد و الغم
نلاقي الطَّرْح من روحنا
كإنه ما كان
و لون الحِنَّه متخضب . . بلون الدم
و لاّ لون الألم بيروح
شقوق الروح
معشش فيها لون الخوف
على بابها . . عناكب بالألم بتطوف
و تغزل للألم توبُه
دَ توبِ اسود على قلوبنا صَبَح ملفوف
و موميّا الروح بقت عَمْيَّه / و لاَ بتشوف
فـِ متحف قلبنا المهجور
بتتمزع خيوط الفرحه / و المغزَّل عموده انهد
هنستناه يكون . . و يدورو
يغزل حلمنا فـِ سطورو
عارفة فين بدايتها
بياض غُرِّة حصان منصور
يكون بيتها. .
وفارس حلمها ملاّح في سكتها
و زارع حرف بيشقشق
على وش البراح / طارح جدايل نور
و فارش ع الطريق ضله . . قناديل للأمل بتدور . .

*** *** ***




__________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
esraa.love
المدير
المدير
avatar

الدولة مصر
ذكر
عدد مساهماتى فى هذا المنتدى : 966
تاريخ تسجيلى فى هذا المنتدى : 05/09/2009
العمر : 24
الموقع الموقع : T£Kŏ

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الجمعة ديسمبر 11, 2009 5:49 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top4.yoo7.com
nonosh
المشرف على المنتدى
المشرف على المنتدى
avatar

الدولة مصر
ذكر
عدد مساهماتى فى هذا المنتدى : 776
تاريخ تسجيلى فى هذا المنتدى : 02/12/2009
العمر : 24
الموقع الموقع : http://top4.yoo7.com
المزاج انا الى كلى جروح ومن زمن مجروح

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الإثنين ديسمبر 14, 2009 5:37 am

كلام جميل ياامير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nonosh
المشرف على المنتدى
المشرف على المنتدى
avatar

الدولة مصر
ذكر
عدد مساهماتى فى هذا المنتدى : 776
تاريخ تسجيلى فى هذا المنتدى : 02/12/2009
العمر : 24
الموقع الموقع : http://top4.yoo7.com
المزاج انا الى كلى جروح ومن زمن مجروح

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الجمعة ديسمبر 25, 2009 1:23 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mood
المشرف على المنتدى
المشرف على المنتدى
avatar

الدولة cairo
ذكر
عدد مساهماتى فى هذا المنتدى : 809
تاريخ تسجيلى فى هذا المنتدى : 21/12/2009
الموقع الموقع : top4.yoo7.com
المزاج ¶مجروح من حبيب الروح¶

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الإثنين يناير 04, 2010 4:35 am

thanxxxxxxxxxxxxxxxxxxxxxxxxxxxxxxxxxxxxxx
xxxxxxxxxxxxxxxxxxxxxxxxxxxx
xxxxxxxxxxxxxxxx
xxxxx
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top4.yoo7.com
mood
المشرف على المنتدى
المشرف على المنتدى
avatar

الدولة cairo
ذكر
عدد مساهماتى فى هذا المنتدى : 809
تاريخ تسجيلى فى هذا المنتدى : 21/12/2009
الموقع الموقع : top4.yoo7.com
المزاج ¶مجروح من حبيب الروح¶

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الإثنين يناير 04, 2010 4:36 am

مشكووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top4.yoo7.com
حبيت حبك
المشرف على المنتدى
المشرف على المنتدى
avatar

ذكر
عدد مساهماتى فى هذا المنتدى : 744
تاريخ تسجيلى فى هذا المنتدى : 02/12/2009
العمر : 24
الموقع الموقع : www.top4.yoo7.com
المزاج الكمبيوتر والبنات الجميلة بس

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الثلاثاء يناير 05, 2010 3:55 am

good man
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mood
المشرف على المنتدى
المشرف على المنتدى
avatar

الدولة cairo
ذكر
عدد مساهماتى فى هذا المنتدى : 809
تاريخ تسجيلى فى هذا المنتدى : 21/12/2009
الموقع الموقع : top4.yoo7.com
المزاج ¶مجروح من حبيب الروح¶

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الثلاثاء يناير 05, 2010 7:07 am

thanxxxxxxxxxxxxxxxxxxxxxxxx
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top4.yoo7.com
حبيت حبك
المشرف على المنتدى
المشرف على المنتدى
avatar

ذكر
عدد مساهماتى فى هذا المنتدى : 744
تاريخ تسجيلى فى هذا المنتدى : 02/12/2009
العمر : 24
الموقع الموقع : www.top4.yoo7.com
المزاج الكمبيوتر والبنات الجميلة بس

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الثلاثاء يناير 12, 2010 2:02 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mood
المشرف على المنتدى
المشرف على المنتدى
avatar

الدولة cairo
ذكر
عدد مساهماتى فى هذا المنتدى : 809
تاريخ تسجيلى فى هذا المنتدى : 21/12/2009
الموقع الموقع : top4.yoo7.com
المزاج ¶مجروح من حبيب الروح¶

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الجمعة يناير 29, 2010 8:12 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top4.yoo7.com
mood
المشرف على المنتدى
المشرف على المنتدى
avatar

الدولة cairo
ذكر
عدد مساهماتى فى هذا المنتدى : 809
تاريخ تسجيلى فى هذا المنتدى : 21/12/2009
الموقع الموقع : top4.yoo7.com
المزاج ¶مجروح من حبيب الروح¶

مُساهمةموضوع: رد: ۩۩ ۩۩ ... ديــــــوان العـرافـة ... ۩۩ ۩۩   الجمعة يناير 29, 2010 8:17 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://top4.yoo7.com
 
۩۩ ۩۩ ... ديــــــوان العـرافـة ... ۩۩ ۩۩
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ToP4/تـ-ـوٍب فـ-ـوٍٍرٍٍ :: قــســم عـــام :: االقسم الادبى-
انتقل الى: